१६ फागुन, काठमाडौं
नेपाली कांग्रेसका सभापति शेरबहादुर देउवा सरकारमा पठाउने मन्त्रीहरुको मापदण्ड बनाउन सकारात्मक देखिएका छन् ।
सभापति देउवालाई मंगलबार भेट्न पुगेका केन्द्रीय सदस्य प्रकाश स्नेहीले मापदण्ड बनाएर मात्रै मन्त्री बनाउनुपर्ने सुझाव देउवालाई दिएका थिए । प्रतिउत्तरमा देउवाले मापदण्ड बनाउन आफू सकारात्मक रहेको सभापतिले बताएको स्नेहीले बताए ।
पार्टीमा गुट नभनि क्षमताको आधारमा मन्त्री बनाउन आफुले सुझाव दिएको स्नेहीले बताए ।
नयाँ अनुहार, समावेशीता, भिजन प्रस्तुत गर्ने सक्ने सांसदलाई प्राथमिकता दिन आफूले आग्रह गरेको स्नेहीले सुनाए ।
सभापति देउवाले राष्ट्रपति चुनाव अघि पार्टीबाट सरकारमा मन्त्री सहभागी नहुने संकेत गरेका थिए ।
