काठमाडाैं
काठमाडौं उपत्यकामा चोरीको घटनामा बृद्धि भएको छ । प्रहरीका अनुसार आजभोलि सो घटनामा बृद्धि भए पनि नियन्त्रणको प्रयास जारी रहेको छ ।
काठमाण्डौं महानगरपालिका –३२ पेप्सीकोला डेरागरी बस्ने रामेछाप मन्थली नगरपालिका –९ घर भएकी २९ वर्षीया दिपिका रोयलको कोठाबाट नगद २५ हजार रुपैयाँ, सुन तथा चाँदिको विभिन्न गहना, ल्यापटप गरी करिब ३ लाख २३ हजार रुपैयाँ बराबरको धनमाल चोरी भएको छ ।
त्यस्तै, भक्तपुरको मध्पपुर ठिमी नगरपालिका–९ निकोसेरा चोक डेरागरी बस्ने रामेछाप सुनापती गाउँपालिका –४ घर भएका ४४ वर्षीय खडगबहादुर श्रेष्ठको कोठाबाट नगद ३ लाख ५० हजार रुपैयाँ हिजो साँझ चोरी भएको प्रहरीले जनाएको छ । चोरीमा संलग्न व्यक्तिको खोजी भइरहेको प्रहरीको भनाइ छ ।
