काठमाण्डाै – एएफसी २० वर्षमुनिकाे महिला एसियन कप छनोटमा नेपालले नर्दन मारियाना आइल्यान्डलाई ६–० काे गाेल अन्तरले हराएकाे छ ।
फैजल हल हुसेइनी इन्टरनेशनल स्टेडियममा भएकाे खेलमा नेपालले नर्दन मारियाना आइल्यान्डलाई ६–० काे गाेल अन्तरले हराएकाे हाे ।
यसअघि गएकाे बुधवार भएकाे खेलमा नेपालले घरेलु टाेली प्यालेस्टाइनलाई ६–० गाेल अन्तरले हराएकाे थियाे । याे खेलमा नेपालका लागि दीपा शाहीले चार र गरिमा राईले दुई गोल गरेकी थिइन् ।
याे जितसँगै समूह 'बी' रहेकाे नेपाल २ खेलमा ६ अङ्कसहित दाेस्राे चरणमा छनाेट भएकाे छ । दोस्रो चरण जुन ३ देखि ११ सम्म हुनेछ । याे चरणबाट उत्कृष्ट चार टोलीले उज्वेकिस्तानमा हुने २० वर्षमुनिकाे महिला एसियन कप खेल्नेछन् ।
पहिलो चरणबाट आठ वटा समूहका विजेता टोली दोस्रो चरणमा जानेछन् । दोस्रो चरणमा आठ वटा टोलीलाई दुई वटा समूहमा विभाजन गरिनेछ । दाेस्राे चरणका उत्कृष्ट चार वटा टोलीले उज्वेकिस्तानमा हुने २० वर्षमुनिकाे महिला एसियन कप खेल्नेछन् ।
एएफसी २० वर्षमुनिकाे महिला एसियन कप सन् २०२४ को मार्च ३ देखि १६ सम्म उज्वेकिस्तानमा हुनेछ । यस प्रतियाेगिताका लागि आयाेजना राष्ट्र उज्वेकिस्तानसहित सन् २०१९ मा भएकाे प्रतियाेगिताकाे शीर्ष तीन टाेली स्वतः छनाेट भइसकेका छन् । उज्वेकिस्तानसहित पछिल्लो संस्करणको विजेता जापान, दोस्रो भएको उत्तर कोरिया र तेस्रो भएको दक्षिण कोरिया सिधै छनोट भइसकेका हुन् ।
