रुकुम पश्चिम - रुकुम पश्चिममा प्रहरीले झण्डै सात राेपनी बारीमा लगाइएको अफिम खेती नष्ट गरेकाे छ।
शनिवार हिजाे रुकुमकाे आठबिसकोट नगरपालिका-१३ मा रहेकाे हम्फामा लगाइएको अफिम खेतीकाे फँडानी गरिएको प्रहरीले जनाएको हाे।
जिल्ला प्रहरी कार्यालय रुकुम पश्चिमका प्रहरी नायब उपरीक्षक (डीएसपी) नमराज भट्टराईका अनुसार छुट्टाछुट्टै ठाउँमा गरेर झण्डै सात राेपनी जग्गामा अफिम खेती गरिएकाे थियाे ।
इलाका प्रहरी कार्यालय आठबिसकोटबाट प्रहरी निरीक्षक विक्रम सुवेदीको नेतृत्वमा गएको प्रहरी टोलीले अफिम खेती नष्ट गरेको हो ।
अफिमकाे खेती कसले गरेकाे भन्नेबारे अनुसन्धान भइरहेको प्रहरीले जनाएकाे छ ।
