फाइल तस्बिर
काठमाण्डाै - काठमाण्डौ महानगरपालिकाका मेयर बालेन्द्र शाहले देशकै मुख्य प्रशासनिक केन्द्र मानिने सिंहदरबार परिसरको फोहर नउठाउने बताउनुभएको छ । आज बिहान सामाजिक सञ्जाल फेसबुकमा स्टाटस लेख्दै मेयर शाहले आजदेखि सिंहदरबारको फोहर नउठाउने बताउनुभएको हो ।
मेयर शाहले लेख्नुभएको छ,‘आजदेखि सिंहदरबारको फोहर उठ्दैन । साँच्चिकै देश सफा गर्नु परे, त्यहाँका नेताहरुलाई सिसडाेलमा डम्प गर्नुपर्ने हुन्छ।’
मेयर शाहको स्टाटसपछि एमालेका महासचिव शंकर पोखरेलले नेपाली समाजलाई चरम अराजकतातिर लैजाने प्रयास भएको सङ्केत गर्नुभएको छ ।
जिम्मेवारीमा बसेपछि जिम्मेवार र जवाफदेही बन्नुपर्नेमा उहाँको जोड छ ।
