चितवन, चैत ३०
राष्ट्रिय स्वतन्त्र पार्टीका सभापति रवी लामिछानेले कान्तिपुरले भ्रम फैलाएको आरोप लगाएका छन् । चितवन–२ मा आगामी वैशाख १० गते हुने उपनिर्वाचनका उम्मेदवार लामिछानेले सामाजिक सञ्जालमा पोष्ट गर्दै आजको कान्तिपुरले समाचारको नाममा भ्रम छापेको बताएका छन् ।
उनी लेख्छन्, ‘आजको कान्तिपुरले समाचारको नाममा भ्रम छापेछ। मेरो जवाफ आउदैछ। अलि समय लाग्ला। त्यतिन्जेल सम्म पत्याइदिएर उहाँहरुलाई सहयोग गरिदिनु होला।’
कान्तिपुरको सब–हेडमा ‘राष्ट्रिय परिचयपत्रमा आबद्ध नागरिकका वैयक्तिक र जैविक विवरण रुजु गर्ने जिम्मा विदेशी कम्पनीलाई, पुस ११ मा गृहमन्त्रीको शपथ लिएको तेस्रो दिनमै कार्यविधि स्वीकृत, प्रतिस्पर्धामा एकमात्र कम्पनी उतारेर माघ १२ मा ठेक्का, १३ मा मन्त्रालयबाट बहिर्गमन’ राखेर समाचार प्रकाशन गरिएको छ ।
