चितवन, जेठ २१
चितवन,नवलपुरसहित तराईका जिल्लामा पछिल्लो साता गर्मी ह्वात्तै बढेको छ । जिल्लामा जेठ १३ गतेको पछि पानी परेको छैन । पछिल्लो केहीदिन चितवनको तापक्रम ३९ डिग्री भन्दा कम हुन सकेको छैन । आज (आइतबार) तापक्रम झन् बढ्दै ४० डिग्री सेल्सियस पुगेको भरतपुर विमानस्थल कार्यालयले नारायणी अनलाइनलाई जानकारी दिएको छ । विमानस्थले दिउँसो २ः१५ देखि ३ बजेसम्मको अबधिमा अधिकतम तापक्रम ४० डिग्री पुगेको जनाएको छ । यसअघि बैशाख ५ गतेपनि जिल्लामा ४० डिग्री तापक्रम पुगेको थियो ।
