रत्ननगर—१६ मा न्यायिक निरुपण तथा मेलमिलापसम्बन्धी एकदिने कानुनी सचेतना कार्यक्रम सम्पन्न भएको छ ।
सामाजिक न्यायमा ऐक्यबद्धता जनाउनुपर्ने विषयलाई लिएर एकदिने छलफल तथा कानुनी सचेतना कार्यक्रम गरिएको वडाध्यक्ष हेमराज थापाले बताए । उनले आफ्नो हकअधिकारको विषयमा व्यक्ति स्वयंले जान्नुपर्ने र छरछिमेकमा भए/गरेका घटनाबारे कानुनी बाधा अडेचन रहे वडाले सहयोग गर्ने बताए ।
सुशासन विकास प्रतिष्ठानका मेलमिलाप विज्ञ कविता अधिकारीले टोलसमाजमा घटेका घटनाहरुको कानुनी उपचार कसरी गर्न सकिन्छ भन्ने विषयमा प्रशिक्षण दिएकी थिइन् ।
वडा कार्यालयमा सम्पन्न कार्यक्रममा टोल विकास संस्थाहरुका पदाधिकारी, समाजसेवी, क्लबका सदस्यहरुको सहभागिता रहेको थियो ।
