देवघाट साउन २२
आँखा पाक्ने रोग फैलिएपछि देवघाटको होलिल्यान बोर्डिङ स्कुल दुई दिनका लागि बन्द भएका छन् ।
स्कुलमा ५० प्रतिशत भन्दा बढि विद्यार्थीहरूमा आँखा पाक्ने रोगको प्रकोप देखिएको र सङ्क्रमण बढ्दै गएकाले विद्यालय बन्द गरिएको होलिल्यान बोर्डिङ स्कुलका प्रधानाध्यापक सन्तोष मिश्रले बताए । मिश्रले सानासाना विद्यार्थीहरूमाआँखा पाक्ने रोग छिटोछिटो फैलिने हुदाँ २२ गते सोमबार र २३ मंगलबार दुई दिन विद्यालयको पठनपाठन बन्द गरिएको जानकारी दिए ।
देशका धेरै ठाउँमा अहिले आँखा पाक्ने रोगको सङ्क्रमण फैलिएको छ । डाक्टरले आँखामा कुनै समस्या देखिए अस्पताल जान र आफूखुशी जथाभाबी औषधि नहाल्न सुझाव दिँदै आएका छन् ।
