प्रतिमा खत्री, तनहुँ

स्वास्थ्यको लागि खेलकुद राष्ट्रका लागि खेलकुद भन्ने मुल नाराका साथ एफसी देवघाटको आयोजनामा प्रथम देवघाट कप 7 "A"side खुल्ला नकआउट फुटबल प्रतियोगिताको उपाधि स्याउली फुटबल क्लव देवघाटले उचालेको छ। आज भएको फाइनल खेलमा स्याउली फुटबल क्लबले ज्योति युवा क्लब गाैरिगंञ्ज भरतपुर ८ लाइ २-० गोल गर्दै विजयी भएको थियो।

सो प्रतियोगितामा प्रमुख अतिथि देवघाट गाउँपालिका अध्यक्ष तिल बहादुर थापा, बिशिस्ट अतिथि पालिका उपाध्यक्ष भुवन सिं गुरुङ र कार्यक्रमका विषेश अतिथि सेन्ट्रल कलेजका प्रीन्सिपल यज्ञविलास पौडेल लगायतको उपस्थितिमा प्रथम स्याउली फुटबल क्लब देवघाट र द्वितिय ज्योति युवा क्लब गाैरिगंञ्ज भरतपुर ८ लाई क्रमशः नगत ५० हजार र नगत ३० हजार सहित प्रमाणपत्र र मेडल प्रदान गरिएको थियो। तनहुँ,चितवन र नवलपरासी जिल्लाहरु बाट गरी ४१ टिमको सहभागी रहेको सो प्रतियोगिता यहीँ साउन २५ गते बाट भदौं २ सम्म सञ्चालन भएको थियो।