भदौ १५
प्रधानमन्त्री पुष्पकमल दाहाल प्रचण्डले नेकपा एकीकृत समाजवादी पार्टीका अध्यक्ष माधवकुमार नेपाल भ्रष्टाचार काण्डमा निर्दोष साबित भएको बताएका छन्। शुक्रबार पोखरामा आयोजित समाजवादी मोर्चाको सभालाई सम्बोधन गर्दै प्रधानमन्त्री प्रचण्डले ललिता निवासको जग्गा हिनामिना प्रकरणमा अध्यक्ष नेपाल निर्दोष साबित भएको दाबी गरेका हुन्।
‘माधवजीको बारेमा के हो कसो हो भनेर आइराख्यो। पहिलोचोटी उहाँ निर्दोष हो भन्ने सावित भयो। औपचारिक ढंगले नै सावित भयो। अब प्रश्न उठाउने ठाउँ रहेन। किनकी सीआइबीले के हो भनेर पनि बयान लियो, बयान लिएर निर्दोष साबित गरेर मुद्दा चलाउन नपर्ने भनेर लिखित दिएपछि सधैंको टेन्सन सकियो। माधवजीलाई टेन्सन भए मात्रै हुन्थ्यो त्यो टेन्सन मलाई पनि थियो। किनकी हामी एउटै ठाउँमा थियौं। दोषी गइरहेका छन्। निर्दोष छुटिरहेका छन्,’ उनले भने।
