असोज ४-
भरतपुर महानगरका झण्डै ४२ हजार बालबालिका पठनपाठनबाट बञ्चित भएका छन् ।
शिक्षक महासंघको आन्दोलनका कारणले ११२ वटा सामुदायिक विद्यालय बन्द हुँदा ४१ हजार ९०० बालबालिका पढाइबाट बञ्चित भएका हुन् ।
भरतपुर महानगर क्षेत्रमा ५२ वटा सामुदायिक माध्यमिक विद्यालय र विशेष विद्यालयसहित ६० वटा आधारभूत विद्यालय रहेका छन् । भरतपुर महानगर शिक्षा विभाग प्रमुख महेन्द्रप्रसाद पौडेलका अनुसार शिक्षकको आन्दोलनको कारणले विद्यालयको पठनपाठन आज ठप्प भएको छ । उनले वार्ता छिट्टै टुंगिने आशा व्यक्त गर्दै धेरै दिन पठनपाठन बन्द भएमा महानगरको बोर्ड बैठक बसेर ठोस निर्णय गर्नुपर्ने नारायणी अनलाइनलाई जानकारी दिए ।
