असोज १७-
कपिलवस्तुमा दुई बालिकालाई सर्पले डस्दा एकको मृत्यु भएको छ भने अर्को एक जनाको अवस्था गम्भीर रहेको छ । कपिलवस्तु वाणगंगा नगरपालिका-९ भलवाड जिनुवास्थित मोतीलाल क्षेत्रीका छोरीहरु ३ वर्षीय रीतिका र ८ वर्षीय इशिकालाई मंगलबार राति सर्पले डसेको थियो ।
वाणगंगा नगरपालिका( ९ का वडाध्यक्ष कमल पौडेलले गोरुसिंगेस्थित सर्पदंश उपचार केन्द्रमा उपचार हुन नसकेपछि बुटवल पठाइएकोमा बहिनीको मृत्यु भएको र दिदीको अवस्था चिन्ताजनक रहेको बताए ।
