मंसिर ४-
शैक्षिक भ्रमणमा गएको बस दुर्घटना हुँदा दुई जनाको मृत्यु भएको छ भने एकै गाउँका ३२ जना घाइते भएका छन्। भ्रमणका क्रममा (हिजो) आइतबार इलामको कन्याम पुगेर फर्कंदै गरेको बस ना६ख ८४२४ नम्बरको बस बेलुका ५ बजे दुर्घटना हुँदा एक बालकसहित दुई जनाको मृत्यु भएको हो ।
धनुषाधाम नगरपालिका ९ बाट आएको बस कन्यामबाट फर्कंने क्रममा इलामको रोङ गाउँपालिका- ३ कोलबुङमा अनियन्त्रित भई सडकबाट करिब ३०० मिटर तल खसेको थियो ।
दुर्घटनामा ३२ जना घाइते भएका छन् । उनीहरु सबै धारापानीका स्थानीय हुन् ।
