काठमाडौं, मंसिर १८
काठमाडौं महानगरपालिकाले महानगरभित्रका सार्वजनिक स्थलमा सुर्तीजन्य पदार्थ प्रयोग तथा बिक्रीवितरणमा रोक लगाउने भएको छ।
त्यस्तै अनाथआश्रम, बाल उद्यान, उद्योग तथा कलकारखानाका कार्यस्थल, चलचित्र घर, नाट्यशाल, सांस्कृतिक केन्द्र, होटेल, मोटेल, रिसोर्ट, धर्मशाला, बसपार्क, टिकट काउन्टर, एयरपोर्टलगायत स्थलमा पनि सुर्तीजन्य पदार्थ प्रयोग तथा बिक्रीमा रोक लाग्नेछ।
सार्वजनिक स्थलदेखि २ सय मिटर टाढा बन्द प्याकेटमा मात्र चुरोटलगायत सुर्तीजन्य पदार्थ बिक्री गर्न पाउने व्यवस्था ऐनले गरेको छ। १८ वर्षमुनिका बालबालिकालाई भने सुर्तीजन्य पदार्थ विक्री गर्न ऐनले रोक लगाएको छ।
कारागार, विमानस्थल वा पर्यटकीयस्तरको होटेलको कुनै खास ठाउँमा अन्य व्यक्तिलाई प्रतिकूल असर नपर्ने गरी सुर्तीजन्य पदार्थ प्रयोग गर्न पाउने व्यवस्था व्यवस्थापकले मिलाउन सक्ने छन्। यो समाचार नागरिक दैनिकमा छ ।
