देवघाट मंसिर २२
प्रतिमा खत्री
"मुग्लिन पारी त्रिवेणी जाऔ, खुल्ला वडा स्तरिय भलिवलँ संगै रमाउ"भन्ने मुल नाराका साथ कालिका युवा क्लब शहिद लखन ३ निभारे सिलिङ्ग गोरखा द्वारा बृहत भलिबल प्रतियोगिता हुने भएको छ । सो प्रतियोगिता यहि मंङसिर २८ गते देखि सुरु भई ३० गते सम्म हुने भएको छ ।
विगतका वर्षहरूमा जस्तै यस वर्ष पनि क्लवले भलिबल प्रतियोगिता कार्यक्रम आयोजना गरिएको हो । उक्त प्रतियोगितामा खेलाडि संख्या ९ जना हुनुपर्ने र एक टिममा जिल्ला स्तरिय तथा बाहिरको वडाको २ जना मात्र समावेश गर्न पाइने खेल संयोजक रबिन गुरुङले जानकारी दिएका छन् ।
साथै खेलाडि सम्बन्धित वडामा भएको प्रमाण समेत पेश गर्नुपर्ने नियम खेलमा समावेश गरिएको छ । उक्त भलिबल प्रतियोगितामा प्रथम पुरस्कार ५० हजार रुपैयाँ द्वितीय पुरस्कार ३० हजार रुपैंया,तृतीय पुरस्कार २० हजार रुपैयाँ र ट्रफी, मेडल र प्रमाणपत्रले सम्मान गरिने उक्त कल्बका सदस्य सचिव पृथ्वी गुरुङले जानकारी दिनु भयो । साथै टिम दर्ता शुल्क ४ हजार रहेको छ भने वेस्ट प्लेयर, वेस्ट स्पाईक,वेस्ट लेबेरो, वेस्ट ब्लकर वेस्ट सर्भर, वेस्ट कोचलाई समेत पुरस्कारको व्यवस्था रहेको आयोजक टिमले बिहानी मिडियालाई जानकारी दिएका थिए ।
