काठमाण्डाै –
आकर्षक तलब पाउने गरी युरोपको रोजगारीमा पठाइदिन्छु भन्दै साढे १९ लाख रुपैयाँ ठगी गर्ने एक जनालाई प्रहरीले पक्राउ गरेको छ ।
पदमकुमारी श्रेष्ठसहित दुई जनालाई १९ लाख ६० हजार रुपैयाँ ठग्ने मार्स म्यानपावरका सञ्चालकसमेत रहेका काभ्रेको पनौती नगरपालिका–१ का जयराम पौडेललाई पक्राउ गरेको काठमाण्डौ उपत्यका अपराध अनुसन्धान कार्यालयले जनाएको छ । उनले युरोप पुगेपछि प्रतिष्ठित कम्पनीमा काम लगाइदिने भन्दै प्रतिव्यक्ति २० लाख रुपैयाँका दरले रकम मागेका थिए । तर १९ लाख ६० हजार रुपैयाँ लिएपछि फरार भएको भन्दै प्रहरीमा उजुरी परेको थियो ।
पक्राउ परेका पौडेललाई थप अनुसन्धान तथा कारबाहीका लागि वैदेशिक रोजगार विभाग ताहाचलमा पठाइएको प्रहरीले जनाएको छ । आकर्षक तलबमा विदेश पठाइदिन्छु भनेकै भरमा पैसा नदिन पनि प्रहरीको आग्रह छ ।
