सोलुखुम्बु, २१ जेठ
यस वर्षको वसन्त यामको सगरमाथा आरोहण सकिएको छ । पर्यटन विभागका अनुसार आरोहण अभियान सबै हिमालमा पूरा भएको छ । सगरमाथा आधार शिविरबाहेक सबै हिमालबाट आरोही फिर्ता भइसकेको विभागका निर्देशक सुर्यप्रसाद उपाध्यायले बताउनुभयो ।
यस वर्ष कति जनाले सफल आरोहण गरे भन्ने तथ्याङ्क आउन केही समय लाग्ने निर्देशक उपाध्यायले बताउनुभयो । उहाँका अनुसार यो वर्ष सगरमाथा आरोहणको क्रममा ५ जनाको मृत्यु भएको छ । मृत्यु हुनेमा दुई जना नेपाली र ३ जना विदेशी नागरिक रहेका छन् ।
