माघ ८-
गौतमबुद्ध अन्तर्राष्ट्रिय क्रिकेट रंगशालाको नमुना मैदानमा भएको सेन्ट्रल कलेज अन्तर वडा मैत्रीपूर्ण क्रिकेट प्रतियोगितामा भरतपुर–१६ विजयी भएको छ । रंगशाला निर्माणार्थ माघ ५ र ६ गते भएको प्रतियोगितामा भरतपुर–१५, १६, १७ र १९ सहभागी भएका थिए । चितवन जिल्ला क्रिकेट संघ र गौतमबुद्ध अन्तर्राष्ट्रिय क्रिकेट रंगशाला निर्माणार्थ स्थानीय पहल समितिको संयुक्त आयोजनामा उक्त क्रिकेट प्रतियोगितो भएको हो ।
प्रतियोगितामा विजयी भरतपुर–१६ ले नगद १० हजार, प्रमाणपत्र र ट्रफि प्राप्त गरेको छ भने दोस्रो भएको भरतपुर–१५ ले नगद ७ हजार, प्रमाणपत्र र ट्रफि पाएको छ । सान्त्वना पुरस्कार स्वरुप भरतपुर–१७ लाई ३ हजार र भरतपुर–१९ लाई ५ हजार रुपैयाँ नगद पुरस्कार प्रदान गरिएको गौतमबुद्ध अन्तर्राष्ट्रिय क्रिकेट रंगशाला निर्माणार्थ स्थानीय पहल समितिका सचिव मिनबहादुर बानियाँले बताए । प्रतियोगिताको मुख्य प्रायोजक सेन्ट्रल कलेज रहेको थियो । प्रतियोगितामा सहभागी चार वटै टिमलाई सेन्ट्रल कलेजले जर्सी उपलब्ध गराएको थियो ।
