चितवन, माघ १८
भरतपुरको मुख्य सहरी क्षेत्र भएर बग्ने पुङ्गी खोलाको सौन्दर्यको कार्यले तीव्रता पाएको छ । करिब १० महिनाअघि सुरु भएको सीमाङ्कनको कार्य निरन्तरतामा छ भने पुंगी खोलाको दोभानबाट सौन्दर्यकरणको काम अघि बढिरहेको छ । खोलाको वडा ३, ४ मा पर्ने करिब ५ किलोमिटरको सीमाङ्कनको कार्य पूरा भइसकेको छ भने वडा नम्बर २ र ११ को एक किमिमा सीमाङ्कनको कार्य हुँदैछ ।
‘सीमाङ्कन पूरा गरेर काम गर्छु भन्दा अझै समय लाग्ने भयो’ ,उनले भनिन् ,‘ दुवै काम एक साथ बढाउदा जनतामा उत्साहा थपिन्छ । सुन्दर र हरियाली सहर बनाउने संकल्प पूरा हुन्छ ।’
भरतपुरको गौरवको आयोजनामा रहेको पुङ्गी खोला सौन्दर्यकरण गर्ने कार्यमा सक्रिय सहयोग गर्न मेयर दाहालले अनुरोध गरेकी छन् । सीमाङ्कनको कार्य र आयोजनाको बारेमा स्थानीयलाई सहजीकरण गर्न मेयर दाहाल फिल्डमै पुग्ने गरेकी छन् ।
मेयर दाहालले कुनै पनि काम असम्भव नहुने भएकाले यो कामलाई फत्ते पार्न पुंगी खोला संरक्षण समिति यो कार्यमा निरन्तर लागिरहेको बताइन् । आफ्नै कार्यकालमा संघ, प्रदेश र महानगरपालिकाको बजेटबाट काम पूरा गर्ने लक्ष्य पनि लिएको उनको भनाइ छ । पहिलो चरणको निर्माण कार्यअन्र्तगत पुङ्गीको दोभानबाट ३५० मिटर क्षेत्रमा सौन्दर्यकरणको काम गरिने छ । जसमा वृक्षरोपण, फुटरेल, रिटेनिङ वाल, रेलङिसहितको मर्निङ र इभिनिङवाक गर्न मिल्ने गरी संरचना निर्माण हुनेछन् ।
गुरुयोजना अनुसार खोला किनारलाई पर्यटकीय गन्तव्यको रुपमा विकास गरिने छ । यहाँ पर्यटकले चिया, खाजा खाने स्टेशन, विश्रामस्थल, खुला व्यामशाला पनि रहने छ । पुङ्गी खोला र केरुङ् खोलाको सौन्दर्यकरण गर्ने कार्य महानगरको ढल व्यवस्थापनका लागि महत्वपूर्ण आयोजना हो । बढ्दो सहरीकरणले भरतपुरमा वर्षातको समयमा आकाशे पानी व्यवस्थापनमा समस्या देखिएपछि पुङ्गी र केरुङ्गा खोलाको सौन्दर्यकरण र व्यवस्थापनमा महानगर निरन्तर अघि बढेको छ ।
