भरतपुर । चितवनको खैरहनी नगरपालिका–२ चैनपुरमा घाँटीमा चक्कु रोपिएको अवस्थामा एक युवकको शव फेला परेको छ ।
जिल्ला प्रहरी कार्यालय चितवनका अनुसार स्थानीय २४ वर्षीय कृष्णप्रसाद खनालको शव फेला परेको हो ।
आज बिहान करिब ७ बजे बन्दै गरेको हर्बल कम्पनीको पर्खाल नजिकै शब फेला परेको प्रहरीले बताएको छ ।
जिल्ला प्रहरी चितवनको टोली घटनाको अनुसन्धानमा जुटिरहेको छ ।
घटनास्थलमा फोरेन्सिक जाँच गर्ने चिकित्सकसहित प्रहरीको टोली पुगेको छ ।
