तनहुँ,
देवघाट गाउँपालिका वडा नम्बर २ दुवारगौंडामा गत माघ महिनाको २२ गते भएको आगलागी घटनाका पीडितलाई बुधबार कछार सेवा सरोकार समाजद्वारा एक कार्यक्रमको आयोजना गरी १ लाख १७ हजार २४० रुपैयाँ नगद सहित करीब ५० हजार बराबरको खाद्यान्न र जिन्सी सामग्रीसहित देवघाट गाउँपालिकाका पुर्व अध्यक्ष दुर्ग बहादुर थापाको प्रमुख अतिथिमा अग्नी पीडितलाई हस्तान्तरण गरिएको छ।
राहत संकलन अभियानका संयोजक खड्का पामीआले मगरको अनुसार "सेवा नै धर्म हो"एक दिनको खाजा घटाऔं,विपतमा परेका दिन दु:खीलाई सहयोग गरौं भन्ने मुलनारा सहित देश विदेशबाट सहयोग जुटाएको बताए।
सो राहत संकलन अभियानमा देवघाट गाउँपालिकाका पुर्व अध्यक्ष दुर्ग बहादुर थापा, सरोकार समाजका संयोजक खडक बहादुर पामीआले, घण्टाचुली विकास संस्थाका अध्यक्ष हिरा बहादुर थापा र समाजसेवी व्यक्तित्व अर्जुन बाचे रहेका थिए ।
