रौतहट, चैत १
रौतहटमा ६ हजार बालबालिका वार्षिक परीक्षा दिनबाट वञ्चित भएका छन्। फतुवा विजयपुर नगरपालिकामा शिक्षकहरू आन्दोलनबाट पछि नहटेपछि झन्डै ६ हजार बालबालिका वार्षिक परीक्षा दिनबाट वञ्चित भएका हुन् ।
फतुवा विजयपुरमा नगरपालिका स्थापना भएदेखिनै आफ्नै तलब पाउन प्रत्येक वर्ष आन्दोलन गर्नुपर्ने बाध्यताको अन्त्यको लागि यस पटक परीक्षा बहिष्कार गर्ने निर्णयलाई सर्वसहमतिले कार्यान्वयन गर्ने बैठकमा सल्लाह भएको शिक्षा संयोजक यादवले जानकारी दिए।
बैठकमा मावि दुधिअवा प्रधानाध्यापक रवीन्द्र साह, मावि विजयपुर शंकर राय, हिमालीवास बाबुराम आचार्य, शितलपुर माविका बुनिलाल यादव, निमाबी डुमरियाका सन्तोष जयसवाल, निमाबी भैसहीका अशोक जयसवाल, निमाबी लक्ष्मीनियाका जयकिशोर साह, निमाबी बैरगनियाका प्रधानाध्यापक रामनाथ यादव लगायत शिक्षकहरूको सहभागिता रहेको थियो।
फतुवा विजयपुर नगरक्षेत्र अन्तर्गत प्रस्तावित सहित ७ मावि ४ निमाबी र २१ प्राथमिक विद्यालयमा कार्यरत २०४ शिक्षक कर्मचारी तथा अन्य क्षेत्रमा कार्यरत गरी ३५० कर्मचारी गत साउनदेखि हालसम्म तलब पाएका छैनन्।
स्रोतः रातोपाटी
