लोकदोहोरी गायिका सुमित्रा तामाङको नयाँ गीत ‘मान्छे सोझी छ’ सार्वजनिक भएको छ । यो गीत गायिका तामाङको आधिकारिक युट्युब च्यानल ‘सुमित्रा तामाङ’मार्फत सार्वजनिक गरिएको हो । यस गीतमा गायिका सुमित्रा तामाङ र गायक खेम सेन्चुरीको आवाज रहेको छ ।
गीतमा नेत्र अर्यालको शब्द रचना रहेको छ भने संगीत खेम सेन्चुरीले भरेका छन् । यस गीतको म्युजिक भिडिओमा गायिका सुमित्रा र विनोद भण्डारीले अभिनय गरेका छन्। भण्डारीको नै निर्देशन रहेको गीतमा समाजमा घट्ने समसामयीक विषयवस्तुलाई समावेश गरिएको छ ।
