चितवन
दुई वर्ष अघि अपांगता भएकी आफ्नै वृद्व माईजुलाई बलात्कार गरेको आरोपमा जिल्ला अदालत चितवनले आरोपीत इच्छाकामना गाउँपालिका ३ वस्ने ५४ वर्षका एक पुरुषलाई २९ वर्ष कैद सजाय फैसला गरेको छ ।
बलात्कार तर्फ २५ वर्ष र हाडनाता सम्बन्धमा थप ४ वर्ष गरी जम्मा २९ वर्ष सजाय भएको चितवन अदालतका श्रेष्तेदार विष्णु आचार्यले बताए । फैसला न्यायधीश रमेश ज्ञवालीबाट बैशाख ३१ गते भएको हो ।
६ लाख ४० हजार जरिवाना, १ लाख क्षतिपूर्ति र पीडित राहत कोषमा २ हजार ८ सय जम्मा गर्ने फैसला समेत भएको छ । घटना २०७८ चैत ८ गते भएको हो । पीडित पक्षले चैत २१ गते उजुरी दिएका हुन् । पीडितको उपचारको क्रममा चैत २१ गते भरतपुर अस्पतालमा मृत्यु भएको थियो ।
