काठमाडौं।
अख्तियार दुरुपयोग अनुसन्धान आयोगले कपिलवस्तुको तौलिहवास्थित भूमिसुधार तथा मालपोत कार्यालयका नायब सुब्बा (नासु) नरहरि खनालविरुद्ध भ्रष्टाचार मुद्दा दायर गरेको छ ।जग्गा नामसारी गर्ने नाममा खनालले सेवाग्राहीबाट ३० हजार रुपैयाँ घुस लिइसकेको अवस्थामा अख्तियारले पक्राउ गरेको थियो ।
उनीविरुद्ध विशेष अदालतमा मुद्दा दायर गरिएको अख्तियारका सूचना अधिकारी देवीप्रसाद थपलियाद्वारा बिहीबार जारी विज्ञप्तिमा उल्लेख छ ।
