काठमाडौं।
नेपालका दीपेन्द्रसिंह ऐरी टी-२० अलराउन्डरको विश्व वरियतामा छैटौँ नम्बरमा उक्लिएका छन् । उनी तीन स्थानमाथि पुगेका हुन् ।
टी-२० बलरको विश्व वरियतामा सोमपाल कामी ९ स्थानमाथि उक्लिएर ९१ औँ र २७ स्थान माथि उक्लिएर दीपेन्द्र ९६ औँ स्थानमा छन्।
यस्तै ब्याट्सम्यानको विश्व वरियतामा दीपेन्द्र ४६ औँ स्थानमा छन्। रोहित पौडेल ६ स्थान तल खस्केर ६१ औँ नम्बरमा पुगेका छन् भने आसिफ शेख २० स्थानमाथि उक्लिएर ६९ औँ नम्बरमा छन्।
अमेरिका र वेस्ट इन्डिजमा जारी टी-२० विश्वकपमा नेपाल पहिलो चरणबाटै बाहिरिएको थियो।
दुई टेस्ट राष्ट्र बंगलादेश र दक्षिण अफ्रिकासँग भएका पछिल्ला दुई खेलमा भने नेपाल जित नजिक पुगेर निराश बनेको थियो।
प्रतियोगितामा दीपेन्द्रले ३ खेलमा ३२ रन, रोहितले ३६ रन र आसिफले ६३ रन बनाएका थिए। बलिङतर्फ दीपेन्द्रले ६ विकेट र सोमपालले ३ विकेट लिएका थिए।
