देवघाट,
मेरो मायाँ बोलेको सुनेर.... भन्ने मौलिक लोकभाका अहिले बजार गुन्जिरहेको छ । लोक दोहोरी क्षेत्रमा आफ्नो छुट्टै पहिचान कमाउदै आइरहेको राजु तोलाङ्गी गुरूङ र शान्तिश्री परियारको आवाजमा सजिएको मिठो लोकभाका गितमा तनहुँको देवघाट गाउँपालिका वडा नम्बर-५ क्वादीका गणेश गुरूङ(बिबस)ले पहिलो पटक अभिनय गरेका छन् ।
मोडल गणेश गुरूङ(बिबस) र चाहाना रानामगरले अभिनय गरेका हुन् । गुरूङको पहिलो म्युजिक भिडियो रहेको यस गितको कोरियोग्राफर दिप गुरूङले गरेको छ भने छायांकन बिजय लामाले गरेको छ ।
उक्त गितको छायांकन काठमाडौको सिकाली चौर,चितवनको नारायणी रिभर साइड र मौलाकालिका परिसर गरिएको छ । मोडल गुरूङ आफैंले लगानी गरेको यस गित दिप गुरूङको युटुव च्यानलबाट सार्वजनिक गरिएको छ ।
