काठमाण्डाै –
ललितपुरमा अवैध रूपमा सुनको कारोबार गर्ने घटनामा संलग्न अर्का एक जना काठमाण्डाैबाट पक्राउ परेका छन् ।
काठमाण्डाैकाे बसुन्धराबाट थप एक जनालाई पक्राउ गरेको जिल्ला प्रहरी परिसर ललितपुरका प्रहरी उपरीक्षक (एसपी) एवम् प्रवक्ता नरेशराज सुवेदीले जानकारी दिनुभयो । ललितपुरमा पाँच जनालाई पक्राउ गरी थप अनुसन्धान गर्दा काठमाण्डाैमा रहेका अर्का व्यक्तिको पहिचान खुलेको हो । ती व्यक्तिबाट एक किलो सुन बरामद भएको सुवेदीले जानकारी दिनुभयो ।
बरामद भएको सुन परीक्षण गर्न भने बाँकी छ । पक्राउ पर्नेमा भारतको महाराष्ट्र घर भएका विजय सम्पथ छन् ।
