देवघाट,
तनहुँको देवघाट गाउँपालिका वडा नम्बर ५ र नयाँ मेडिकल कलेज(सिएमसी) भरतपुर बीच चैतमा सम्झौता भए अनुरुप आज वगन्दी टोल बिकासमा करिब ५५ जनालाई स्वास्थ्य सहुलियत कार्ड निशुल्क वितरण गरिएको छ।
सो कार्ड बाट नयाँ मेडिकल कलेज(सिएमसी) भरतपुरमा ओपिडी टिकट देखी अन्य उपचारमा २० प्रतिशात छुट र औषधिमा ७ प्रतिशात छुट रहने देवघाट गाउँपालिका प्रवक्ता एवं ५ नम्बर वडा अध्यक्ष पुर्णबहादुर कुंवरले बताएका थिए। उक्त सहुलियत कार्ड बनाउन कुनै शुल्क समेत नलाग्ने र ५ नम्बर वडाको २१ वटा टोल बिकास संस्था भित्रका सबै बासिन्दाहरुलाई क्रमिक रुपमा वितरण गर्ने समेत बताएका छन्।
सो कार्यक्रम ५ वडा सदस्य बुद्धिबहादुर पाण्डे,सरस्वती परियार,यामबहादुर मगर,५वडा सचीव पविता खनाल,नेपाली काङ्ग्रेस जिल्ला सदस्य अर्जुन अधिकारी,नेपाली काङ्ग्रेस देवघाट सचीव भरत आचार्य,नेपाली काङ्ग्रेस देवघाट ५ का सभापति सोमनाथ ढकाल,चौकी डाँडा सामुदायिक वनका अध्यक्ष कुमारी गुरुङ,सोलिघोप्टे सामुदायिक वनका अध्यक्ष टमबहादुर गुरुङ लगायतको उपस्थिति रहेकोे थियो।
