चितवन, साउन १०
स्मल हेभन बोर्डिङ स्कुल भरतपुर–५ कल्याणपुरको बसमा आगजनी गरेको आरोपमा पक्राउ परेका भरतपुर–२५ का महेश चौधरी भन्ने विश्वनाथ चौधरी पूर्पक्षका लागि भरतपुर कारागार चलान भएका छन् ।
पछि अनुसन्धानको क्रममा भरतपुर–२५, स्थित राष्ट्रिय माध्यमिक विद्यालय शोसीका विद्यालय व्यवस्थापन समितिका अध्यक्ष समेत रहेका विश्वनाथ चौधरीलाई प्रहरीले जेठ ११ गते शोसीबाटै पक्राउ गरेको थियो । जिल्ला प्रहरी कार्यालय चितवनले चौधरीविरुद्ध आपराधिक उपद्रव मुद्दा दायर गरेको थियो ।
