चितवन, साउन २९
सुधार केन्द्रबाट भागेर आज दिउँसो नारायणी पुलबाट नदीमा हामफालेका युवकको सकुशल उद्दार गरिएको छ । दिउँसो ४ः१५ बजेको समयमा भरतपुर–३ पुलचोकस्थित नारायणी पुलबाट हामफालेका तनहुँ भानु नगरपालिका–६ घर भई हाल भरतपुर–५ स्थित रहेको आसरा सुधार केन्द्रमा रहेका वर्ष २१ का काशीराम गैरेलाई सकुशल उद्दार गरिएको हो ।
गैरे हिजो सुधार केन्द्रबाट भागेका थिए । अहिले सुधार केन्द्रका प्रतिनिधि र आफन्तहरु सम्पर्कमा आएको प्रहरीले बताएको छ । गैरेलाई २ महिना अगाडि तनहुँबाट सुधार केन्द्रमा ल्याईएको थियो ।
