चितवन
चितवनको कालिका नगरपालिका–७ स्याउली बजारस्थित बुङखोलाले बगाएर बेपत्ता भएका ६ वर्षीय बालक मृत फेला परेका छन् ।
आज दिउँसो साढे १ बजेको समयमा कालिका–७ बस्ने उत्तम अर्यालको ६ वर्षीय छोरा हरिराम अर्याललाई हातखुट्टा धोइरहेको अवस्थामा खोलाले बगाएको थियो ।
दिउँसो साढे ३ बजेको समयमा घटनास्थलबाट करिब चार किमी तल कालिका–६ मुलिजुली चोक स्थित कुलोमा बालक मृत अबस्थामा फेला परेको जिल्ला प्रहरी कार्यालय चितवनले जानकारी दिएको छ ।
