काठमाण्डाै
काठमाण्डौ महानगरपालिकाले प्लास्टिकका फूल र मालामा प्रतिबन्ध लगाएको छ ।
नजिकिँदै गरेको तिहारलाई लक्ष्य गरी महानगरले प्लास्टिकका फूलगुच्छा र माला बिक्री/वितरण र ओसारपसार तथा प्रयोगमा प्रतिबन्ध लगाएको हो ।
महानगरले आज सूचना निकालेर प्लास्टिकको फूलगुच्छा र माला बिक्री/वितरण, भण्डारण, ओसारपसार र प्रयोग तथा ४० माइक्रोनभन्दा पातलो झोलाको बिक्री/वितरण, ओसारपसार र प्रयोगमा प्रतिबन्ध लगाएको जनाएको छ ।
