तनहुँ
नेपाल पत्रकार महासंघ तनहुँको जिल्ला कार्यसमिति सदस्यमा इच्छाकामना न्युज डटकमका कार्यकारी सम्पादक चित्र सोल्टी गुरुङ निर्विरोध निर्वाचित भएको छ ।
महासंघको मंसिर २८ गते हुन लागिरहेको निर्वाचन तालिका अनुसार आज भएको उम्मेद्वारी दर्तामा आदिवासी जनजाति सदस्यमा पदमा गुरुङको एकल उम्मेद्वारी परेकोले निर्विरोध निर्वाचित भएको हो ।
सदस्यमा निर्वाचित गुरुङले नेपाल प्रेस युनियन र प्रेस चौतारी नेपालको गठबन्धन प्यानलबाट निर्वाचनमा उम्मेद्वारी दिएका थिए । उनी प्रेस चौतारी गण्डकी प्रदेश कमिटि सदस्यका साथै तमू (गुरुङ) सञ्चारकर्मी संघ नेपालको केन्द्रीय महासचिव र नेपाल आदिवासी जनजाति पत्रकार महासंघ (फोनिज)को संघिय समिति सदस्य समेत छन् ।
