फ्रान्स
फ्रान्सको पेरिस सहरको केन्द्रमा नेपाली चलचित्र ‘कबड्डी ४’ हाउस फूलका साथ २ वटा हलमा प्रर्दशन भएको छ ।
फिल्म पेरिसको सार्दगुल इथुवालस्थित ला बलजिक हलमा प्रदर्शन गरिएको हो । चलचित्र इनास फ्रान्सले प्रर्दशन गरेको कुरा इनास फ्रान्सका अध्यक्ष प्रविन सापकोटाले जानकारी दिए ।
फिल्म आइतबार प्रदर्शन गरिएको थियो । फिल्मले ९ लाखको व्यापार गरेको छ । फिल्म प्रदर्शनबाट सङ्कलित रकमले फ्रान्समा लुकेर बसेका नेपाली कला संस्कृतिलाई अगाडि बढाउने पनि उनले बताए ।
साथै नेपाली कला र संस्कृतिलाई विश्वसामु चिनाउने र समय(समयमा विभिन्न प्रतियोगिता गराउने समेत अध्यक्ष सापकोटाको भनाई छ ।दर्शकलाई भरपुर मनोरञ्जन दिने चलचित्र हास्य रसले भरिएको छ । जसमा समग्रमा फिल्म सन्देशमूलक भन्दा पनि मनोरञ्जनले भरिएको फिल्म हेर्ने दर्शकले बताएका छन् । यस फिल्मले सौगात मल्ल (बम काजी)को एकतर्फी प्रेमलाई पनि हास्य रसमा पस्केको छ ।
साथै समग्रमा हेर्दा फिल्म हेरुन्न्जेलसम्म बोर फिलिङ नभएको दर्शकहरुले बताएका छन् ।
