चितवन, २४ पुस
नेपाल मगर सांस्कृतिक संघ चितवनको आयोजनामा भरतपुरामा मौलिक कौराहा (कन्राहा) प्रतियोगिता हुने भएको छ । बुधबार (आज) संघले पत्रकार सम्मेलन गरी माघ २७ गते खुल्ला कौराहा प्रतियोगिता आयोजना गर्न लागेको जानकारी दिए ।
बिपी कोइराला मेमोरियल क्यान्सर अस्पतालको सहयोगमा प्रतियोगिता हुने भएको छ । प्रतियोगितामा १० भन्दा बढी समूहको सहभागिता रहने आयोजकको अपेक्षा छ । आयोजकका अनुसार अहिलेसम्म ८ वटा समुहको सहभागिता रहेको छ ।
प्रतियोगितामा सहभागी हुन चाहने समूहका लागि ५ हजार रुपैयाँ दर्ता शुल्क तोकिएको छ । मूल्याङ्कन आधारभूत पोशाक, गायन, शब्द चयन, सुधार र नृत्यमा केन्द्रित हुनेछ। राष्ट्रिय लोक तथा दोहोरो गीत फाउण्डेशनका संस्थापक अध्यक्ष अमर विरही गुरुङ, लोक तथा दोहोरी गायिका रञ्जिता थापामगर, लोक तथा दोहोरो गायक बलविक्रम थापामगर मुख्य आकर्षण हुनेछन् ।
