काठमाडौँ ।
नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ नेकपा एकीकृत समाजवादीका अध्यक्ष माधव नेपालसहितका नेताहरूबीच भेटवार्ता भएको छ ।
माओवादी केन्द्रका महासचिव देव गुरुङका अनुसार भेटमा समसामयिक राजनीतिक र संविधान संशोधनका एजेन्डाहरूका सम्बन्धमा छलफल भएको छ ।
बिहीबार दिउँसो सिंहदरबारस्थित माओवादी संसदीय दलको कार्यालयमा भएको भेटमा दुई पार्टीका शीर्ष नेताहरू सहभागी थिए ।
