काठमाण्डौ
सिन्धुलीमा माइक्रोबस दुर्घटना हुँदा एक जनाको ज्यान गएको छ । दुर्घटनामा अरू १३ जना घाइते भएका छन् ।
काठमाण्डौबाट जनकपुरतर्फ गुडिरहेकाे बा ३ ख ८४४५ नम्बरको माइक्रोबस हिजो बेलुका सुनकोशी गाउँपालिका ६ कानढुंग्रे भन्ने ठाउँमा टायर पन्चर भएर अनियन्त्रित भई दुर्घटना हुँदा धनुषाको जनकपुर उपमहानगरपालिका वडा नम्बर १० का ५० वर्षीय निर्मल गुप्ताको धुलिखेल अस्पतालमा उपचारको क्रममा ज्यान गएको हो ।
दुर्घटनामा घाइते हुनेहरूको धुलिखेल अस्पतालसहित काठमाण्डौका र सिन्धुलीका अस्पतालमा उपचार भइरहेको सिन्धुली प्रहरीले जनाएको छ ।
