काठमाण्डाै –
प्रधानमन्त्री कप महिला टी–२० राष्ट्रिय क्रिकेट प्रतियोगितामा लुम्बिनी प्रदेशले गण्डकी प्रदेशलाई ६ विकेटले हराएकाे छ । प्रतियोगितामा लुम्बिनीको यो पहिलो जीत हो ।
गण्डकीले दिएको ९८ रनको लक्ष्य लुम्बिनीले १६ ओभर २ बलमा ४ विकेट गुमाएर भेटायो । लुम्बिनीकी सरस्वती पुनले नटआउट ३१ रन बनाइन् । गण्डकीकी अपेक्षा बुढाथोकीले २ विकेट लिइन् ।
यसअघि टस जितेर ब्याटिङ गरेको गण्डकीले २० ओभरमा ४ विकेट गुमाएर ९७ रन बनायो । गण्डकीकी सलिना सेनले नटआउट ३३ रन बनाइन् । लुम्बिनीकी मनीषा रानाले २ विकेट लिइन् ।
