बुटवल
नेकपा एमालेका महासचिव शंकर पोखरेलले अझै ५ वषसम्म केपी ओलीको विकल्प नभएको बताएका छन् । आज बुटवलमा भएको पत्रकार सम्मेलनमा बोल्दै उनले चितवन महाधिवेशनबाट अध्यक्ष चुनिएकोले अझै ५ वर्षसम्म ओलीको विकल्प नभएको पोखरेलको बताए ।
पोखरेलले संघीय चुवानपछि ओलीनै प्रधानमन्त्री हुने पनि जिकिर गरे । उनले गठबन्धन सरकारको आलोचना गर्दै गठबन्धनकै कारण राजनीति अस्थिरता र वैदेशिक चलखेल बढेको जिकिर गरे ।
नेकपा माओवादी केन्द्र र नेकपा एकीकृत समावादीतर्फ लक्षित गर्दै उनले दक्षिणपन्थतर्फको यात्रामा रहेकासँग सहकार्य हुन नसक्ने टिप्पणी गरे। उनले काँग्रेसँग मिलेकाहरु वामपन्थी हुन नसक्ने पनि टिप्पणी गरे ।
एमालेलाई सिध्याउने गरि गठबन्धन गर्दा पनि आफूहरुले जनमत राम्रो पाएको बताउँदै उनले आगामी चुनावमा पनि एक्लै लड्न सक्ने बताए ।
