देवघाट,
स्वास्थको लागी खेलकुद राष्ट्रको लागी खेलकुद भन्नेनारालाई आत्मसात गर्दै नयाँ वर्षको पावन अवसरमा तनहुँको देवघाट गाउँपालिका वडा नम्बर २ खाल्टेमा प्रथम देवघाट २ नम्बर वडा तरुण दल कप खुल्ला पुरुष भलिबल प्रतियोगिता आजबाट सुरु भएको छ।नेपाल तरुण दल देवघाट २ वडाको आयोजना तथा नेपाल देवघाट तरुण दलको सह-आयोजना एवं नेपाल तरुण दल तनहुँको मुख्य प्रायोजन रहेको छ।
कार्यक्रमको समुद् घाटन गर्दै प्रमुख अतिथि नेपाली काङ्ग्रेस जिल्ला सदस्य अर्जुन अधिकारीले खेलकुद बिकासको क्षेत्रलाई बिकास गर्न हामी सबैको दायित्व जिम्मेवारी रहेको बताउनुभयो।साथै अधिकारीले खेलकुद क्षेत्रबाट आफ्नो गाउँठाँउ र देशलाई अन्तर्राष्ट्रिय क्षेत्रमा चिनाउन सकिने बताउनुभयो।पछिल्लो समय भलिबल खेल प्रती खेलाडी र खेलप्रेमी दर्शकहरुको बढी क्रेज रहेको बताउदै आगामी दिनहरूमा गाउँपालिकाको खेलक्षेत्र बिकासको निम्ति सबै संग समन्वय गरि अगाडी बढ्ने बताउनुभयो।
यहीँ चैत्र २८ गते आजबाट सञ्चालन भएको खुल्ला पुरुष भलिबल प्रतियोगिता चैत्र ३१ गतेसम्म सञ्चालन रहने छ।प्रतियोगितामा सहभागी इन्ट्री शुल्क ५ हजार ५ सय रुपैयाँ राखिएको छ,भने पुरस्कार राशी प्रथम,द्वीतीय,तृतीय हुने टिमले क्रमशः १ लाख १ हजार १११ रुपैयाँ,५१ हजार १५१ रुपैयाँ र २६ हजार १५१ रुपैयाँ सहित ट्रफी, मेडल,प्रमाणपत्र पाउने छन्।सो प्रतियोगितामा सर्वोत्कृष्ट खेलाडी र स्पाइकर खेलाडी ३ हजार रुपैया सहित मेडल प्रमाणपत्र पाउने छ।
कार्यक्रममा विशिष्ट अतिथि देवघाट २ नम्बर वडा अध्यक्ष मिनबहादुर रानामगर,देवघाट ३ नम्बर वडा अध्यक्ष टेकबहादुर आलेमगर,तरुण दल देवघाटका अध्यक्ष अमर फेवालीमगर,अतिथि कार्यपालिका सदस्य बालकुमारी परियार,हुममाया खान,देवघाट २ वडा सदस्य युवराज मगर,तरुण दल जिल्ला सदस्य रबिन्द्र गुरुङ,नेपाल विद्यार्थी संघ जिल्ला सदस्य लोकेश सिञ्जाली लगायतको उपस्थिति रहेकोे थियो।कार्यक्रम दिलबहादुर बाचेमगरले सञ्चालन गर्नु भएको थियो भने तरुण दल देवघाट २ वडाका सभापति विष्णु मल्लको अध्यक्षता रहेकोे थियो।
बुधबार, कार्तिक १९ गते २०८३
