देवघाट,
तनहुँको देवघाट गाउँपालिका वडा नम्बर ५ स्थित नमस्ते गार्डेन रिसोर्टमा नयाँ बर्ष वि.स. २०८२ को अबसरमा नेपाल मगर संघ देवघाटद्वारा शुभकामना आदानप्रदान गरेको छ।

संघका अध्यक्ष खड्क बहादुर मगरको अध्यक्षतामा भएको कार्यक्रममा नेपाल मगर संघ केन्द्रीय निर्वाचन समिति संयोजक सिद्धान्त थापा मगरको प्रमुख आतिथ्यता रहेको थियो ।

कार्यक्रममा प्रमुख आतिथ्यता ग्रहण गर्नुहुँदै नेपाल मगर संघ केन्द्रीय निर्वाचन समितिका संयोजक सिद्धान्त थापा मगरले मगर जातीको इतिहास परापूर्व कालदेखि चल्दै आएको बताउनुभएको छ । मौलिक संस्कृतीको संरक्षणमा मगर जातीको आफ्नै बिशिष्ट योगदान रहेको उहाँले जिकिर गर्नुभयो ।
त्यस्तै उहाँले देशभरी छरिएर रहेका आम मगरबासीहरुमा नयाँ बर्षको शुभकामना प्रदान गर्नुभयो ।

सो कार्यक्रममा विशिष्ट अतिथि देवघाट गाउँपालिकाका उपाध्यक्ष भुवन सिं गुरुङ, अतिथि देवघाट वडा नम्बर ५ का वडा सदस्य यमबहादुर मगर,क्षेत्रि समाज देवघाट अध्यक्ष गणेश बहादुर थापा,तमु समाज देवघाटका सचिव डिलबहादुर गुरुङ लगायत संघ संस्थाका पदाधिकारीहरुको सहभागीता रहेको थियो ।