काठमाण्डौ –
अहिले कोशी प्रदेशकाे एक–दुई ठाउँमा पानी परीरहेको छ । जल तथा मौसम पूर्वानुमान महाशाखाका अनुसार आज कोशी प्रदेश, मधेश प्रदेश, बागमती प्रदेश, गण्डकी प्रदेशलगायत देशका पहाडी क्षेत्रमा मौसम आंशिकदेखि साधारणतया बदली छ ।
ती क्षेत्रका थोरै ठाउँ तथा बाँकी भागका एक–दुई ठाउँमा मेघगर्जन/चट्याङसहित हल्का वर्षाको सम्भावना छ ।
मौसमविद् गोविन्द झाका अनुसार आज पनि काठमाण्डौ उपत्यकामा दिउँसोपछि हल्का वर्षाको सम्भावना छ ।
