काठमाण्डौ –
काठमाण्डौ उपत्यकासहित देशका विभिन्न ठाउँमा झरी परेको छ । पछिल्लो एक घण्टामा सर्लाहीमा १२ दशमलव ४ मिलिमिटर वर्षा मापन भएको छ । कोशी, मधेस, बागमती, गण्डकी र लुम्बिनी प्रदेशका केही ठाउँमा बिहानैदेखि पानी परिरहेको छ ।
मौसम पूर्वानुमान महाशाखाका अनुसार आज दिनभरजसो पानी पर्ने र रोकिने क्रम चलिरहने छ । कोशी र लुम्बिनी प्रदेशलगायत देशका पहाडी भागका केही ठाउँ तथा बाँकी भागका थोरै ठाउँमा चट्याङ्ग र हावाहुरीसहित हल्कादेखि मध्यम वर्षाको सम्भावना रहेको मौसमविद् सञ्जिव अधिकारीले बताउनुभयो ।
