बारा, जेठ ६–
समयमै पुल निर्माण नगरेपछि सांसद किसान श्रेष्ठले पुल निर्माण गरिरहेको ठेकेदारलाई खोलामा गाडीदिने धम्की दिएका छन् ।
बाराको पर्सौनी र कलैया जोड्ने बंगरी नदीको बञ्जरीया स्थित पुलको निर्माण काम यही जेठ १५ गतेभित्रमा सम्पन्न नगरे ठेकेदारलाई खोलामा गाडिदिने नेकपा एकीकृत समाजवादीका सांसद श्रेष्ठले धम्की दिएका हुन् ।
सांसद श्रेष्ठ मंगलबार पुलको निरीक्षण गर्न पुगेका थिए । पुल अलपत्र परेको देखेपछि उनले पुल निर्माणको जिम्मा लिएका दुई ठेकेदारलाई यस्तो धम्की दिएका हुन् ।
बाराको जितपुरसिमरा उपमहानगरपालिका र पर्सौनी गाउँपालिकालाई सदरमुकाम जोड्ने महत्त्वपूर्ण मार्गमा रहेको यो पुल १३ वर्षदेखि अलपत्र छ ।
२०७९ सालको निर्वाचमा सांसद श्रेष्ठले पुल बनाउन आफूले पहल गर्ने प्रतिबद्धता जनाएका थिए । सोही प्रतिबद्धता अनुसार पुल निर्माणको काम सकिए पनि पुलको दुवै तर्फ एप्रोच नबनाइकन ठेकेदार कम्पनीले अलपत्र छाडिदिएको थियो
