काठमाण्डाै –
आकर्षक तलबको प्रलोभनमा पारी वैदेशिक रोजगारीमा अमेरिका र कुवेत पठाइदिने भन्दै ठगी गर्ने दुई जना पक्राउ परेका छन् ।
पक्राउ पर्नेहरूमा रुकुम पश्चिमको त्रिवेणी गाउँपालिका–४ घर भई काठमाण्डौ महानगरपालिका–२६ नयाँबसपार्क बस्ने ३० वर्षीय शक्ति खड्का र सप्तरीको हनुमाननगर कङ्कालिनी नगरपालिका–१ घर भई काठमाण्डौ महानगरपालिका–९ बस्ने २७ वर्षीय प्रविनकुमार मण्डल रहेका छन् ।
शक्तिले अमेरिका पठाइदिने भन्दै १ जनाबाट ५५ लाख र प्रविनले कुवेत पठाइदिने भन्दै २ जनाबाट ५ लाख रुपैयाँ लिई सम्पर्कविहीन भएका नेपाल प्रहरीको काठमाण्डौ उपत्यका अपराध अनुसन्धान कार्यालयले जनाएको छ ।
