काठमाडौं ।
भक्तपुरमा दुई दिदी बहिनीले आत्महत्या गरेका छन् । मध्यपुर ठिमी नगरपालिका–८ बोडे सिन्टिटारमा आज बिहान १७ की मेनुका कँडेल र उनकी बहिनी १५ वर्षकी सिर्जना कँडेलले आत्महत्या गरेका हुन् ।
सुर्खेत पञ्चपुरी नगरपालिका–८ का उनीहरू भक्तपुरमा डेरा गरेर बस्दै आएका थिए ।
“डेरा कोठाको प्यासेजमा एउटै नाइलनको डोरी फलामको डण्डीमा छिराएर दुईतिरको टुप्पोले घाँटीमा बेरी पासो लगाएर झुण्डिएको अवस्थामा दुवैजना मृत फेला परेका छन्,” जिल्ला प्रहरी कार्यालय भक्तपुरका डीएसपी ढुण्डीराज न्यौपानेले भने ।
के कारणले आत्महत्या गरेका हुन् भन्नबारे अनुसन्धान सुरु भएको उनले जानकारी दिए ।
