काठमाण्डौ –
मधेश प्रदेशमा खडेरीका कारण हुनसक्ने खाद्य सङ्कट समाधानका लागि कृषि बाली परिवर्तन गर्न विज्ञले सुझाव दिएका छन ।
काठमाण्डौमा हिजो भएको जलवायु न्यायसम्बन्धी कार्यक्रममा विज्ञहरूले जलवायु परिवर्तनका कारण समस्या थप बढ्दै जाने भन्दै त्यसैअनुसार बाली विकास गरिनुपर्नेमा जोड दिएका हुन् ।
कार्यक्रममा कृषि विज्ञ डा.कृष्ण पौडेलले मधेशलगायत देशका धेरैजसो तराई क्षेत्रमा मनसुनको समयमा धानखेती हुँदै आएकोमा खडेरीले समस्या पर्दै आएको र यस खाद्य सुरक्षा जोखिम बढ्ने भएकाले सुक्खा ठाउँ अनुकूल खेती गर्नुपर्ने बताउनुभयो ।
