राष्ट्रिय स्वतन्त्र पार्टी (रास्वपा) का सभापति एवम् पूर्वउपप्रधानमन्त्री रवि लामिछानेविरुद्ध दर्ता भएको सम्पत्ति शुद्धीकरण र संगठित अपराध मुद्दा तत्काललाई फिर्ता गर्न रुपन्देही अदालतले अस्वीकार गरेको छ ।
महान्यायाधिवक्ताको कार्यालयले गत पुस ३० गते लामिछानेविरुद्धको सम्पत्ति शुद्धीकरण र संगिठत अपराध कसुरमा चलेका मुद्दा संशोधन प्रक्रियामार्फत फिर्ता लिने निर्णय गरेको थियो । मुद्दा फिर्ता गर्न भन्दै जिल्ला सरकारी वकीलको कार्यालय, रुपन्देहीलाई पत्रमार्फत निर्देशन दिइएको थियो । अदालतले मुद्दा फिर्ता प्रकरणमा सर्वोच्चमा दायर भएका रिटको टुंगो लागेपछि मात्र निर्णय गर्ने भनेको छ ।
